كشف الفنان الكبير عبدالمجيد عبدالله عن تعاون جديد يجمعه بالملحن ياسر بو علي ومن كلمات الشاعره الجادل التي احدثت اعمالها ضجه كبيره بين الفنانين ، وقال مجيد في ثريد عبر تويتر تحدث ونشر فيها القصيده كامله وتقول كلماتها :
سامح الله احتياجي كثر مايوجع غلاك
وسمّح الله كل دربٍ ماوصلك بخطوتي
في أمان اللي ينسّي حتى والذكرى
معاك في أمان الله واسكت قاطعتني غصّتي
اخذتني باحساس طيب رحت تاركني هلاك
لاملامح لاجوارح لارفيق بوحدتي
كنت احسك يوم تقفي كنها بصدري خطاك
كل خطوه في اثرها كنت تترك طعنتي
قمت اتذكر جروحك علني اقسى قساك
مادريت اني ابلهى فيك وانسى قسوتي
من يسلفني جناحٍ مارقى عالي سماك
ومن يسلفني كلامٍ ماشرحلك حسرتي
قلت باعلى صوت عندي صاحبي مالله هداك
وقبل ما انطق كلامي سكّنتني دمعتي
خفت لايقسى شعوري وكامل احساسي بغاك
وخفت لايضعف شعوري قبل مااعلن قسوتي
يافراقك ماقويتك كبريائي اللي قواك
كل ماعزّمت ابرجع استضاقت دنيتي
يوم راح القلب عندك عاد لي بس ماحكاك
قال لي مريت جنبه بس توجع كسرتي
وقال مجيد : من جديدي الالبوم القادم كلمات الجادل الحان البطل ياسر بوعلي ، من جهة أخرى ذكر مجيد ان العمل سوف يطرح قريباً جداً .
