بعد الهجوم عليها بسبب إليسا… ريما الرحباني : “لستُ ملكة بترا وزياد أخي وانتو برّا”!
تعرّضت ريما الرحباني ابنة السيدة #فيروز ، لحملة انتقادات واسعة بسبب تعليق كتبته سخرت فيه من الفنانة اليسا وهي ترد على شاعر انتقد ألبوم فيروز الاخير ، فكتبت ريما ترد علي ه: ” بعيد الشر عن قلبو ومع مين بدنا نتسلى الليلة ؟ أنا بقول حط عقلو براسو وعم يطبع ديوان الشعر بلكي الطبعة الاولى منهديها لإليسا تغنيها بلكي بتحل عن أغاني فيروز وبلكي حرام بيجلس تما شوي “.
ريما وتعليقاً منها على ما حصل ، شنت هجوماً عنيفاً على منتقديها ، معتبرة انّ صفحتها الخاصة في ” الفيس بوك ” ملك لها ويحق لها ان تقول ما تريد ، فقالت: “في ناس اعتقدوا اني اختفيت ومش راجعة … وإذ… بونسوااااار .
وكمان إعتقدوا انو اذا بيشنوا هجوم عليي بيسكتوني او بيخوفوني او بيزعلوني ما عارفين يا حرام انو آراءهن مش قاريتا ولا عندي وقت اقراها لأني انا بالقليلة بشتغل! منيح وحيش.. الزمن بيقول اكيد مش هني بس هني شو عاملين او شو بيعملوا؟ غير التنكيش بالبوستات اللي ما الن فيها ؟ مين اللي قاعد فاضي وراضي كلما نطقت بحرف ان كان ببوست او بكومنت مخفي تحت سابع ارض… ان كان مزح وهزار أو ان كان جد.. بياخدو بيصيغ منو خبر ع ذوقو وبيجيش هالناس ضدي… عن جد كتير حلو ميرسي كتير هاي في ناس بيدفعوا حقا مصاري انا طالعتلي ببلاش، انا وقاعدة بالبيت وبكبسة زر! لا علاقات عامة ولا عشوات ولا غدوات ولا مقابلات…”.
وأضافت : “ع قلب مين قاعدة يا ترى؟؟؟ مين؟؟ مين؟؟؟ مين؟؟؟؟؟ همممممم… عن جد ميرسي كتير بس انو هلقد في فراغ بالاخبار تينكشوا بوست فيه ميتين تعليق انا ما عم لاقي تعليقاتي بيناتن ويعنونوه؟ مش قليل! ويجيشوا الناس ضدي فكرن بسكت؟؟ كلما افتح تمي يلا.. شو ما قلت يلا.. شو ما عملت او ما عملت يلا”.
