جدل كبير حول #محمد_رمضان واغنية #نمبر_1

حالٌ من الجدل سيطرت على رواد مواقع التواصل الاجتماعي، بعد تصدُّر هاشتاج محمد رمضان، تريند “تويتر” بعد ساعات من طرحه كليب “number 1” عبر القناة الخاصة به على “يوتيوب”، والذي حقّق ما يقرب من مليون و200 ألف مشاهدة في أقل من 12 ساعة ، وتوالت التعليقات على الفيديو، ما بين مؤيد ومعارض، حيث كتب أحد متابعي الفنان: “العيب مش عليك يا رمضان.. العيب على اللي بينتجولك.. وعلى الدولة اللي سايباك تتصرف كده لحد متنفخت أوي والغرور قتلك بجد”.

وآخر: “كنت بحبك، بالكليب ده هتزعل ناس كتير منك، وهتبقي تريقة كل الناس.. ليه كده يا رمضان”، وثالث: “شكلك عانيت في حياتك كتير لأن التصرفات دى متجيش إلا من واحد جعان.. نون العظمة !! خليك طبيعي عادي، كل إنسان ناجح له أعداء، بس ما يقعد كل يوم يبرر ويكتب إني أحسن واحد بالعالم ورقم واحد!، حرام، أنت ممثل رائع لا تمحي نفسك بنفسك بأفعالك هذه.. بجد والله أنت محتاج تزور طبيب نفسي… لأن خسارة تسيب نفسك كده!”.

ومن ناحية أخرى، أشاد عدد من جمهور محمد رمضان بالأغنية: “دى هتكسر الدنيا وأنت فعلا تستحق تكون “نمبر وان”، عشان أنت مجتهد في عملك، وربنا يزيدك من نعيمه”، و”حلو حنتقدك في أي وقت لأننا الجمهور وده حقنا عليك وعلشان بنحبك وعايزينك أحسن.. لسه متفرجة عليه عشروميت مرة، جامد، حلو الكيد اللى فيه دا، عاجبني، كمل، من نجاح لنجاح”.